اب اداس پھرتے ہو سردیوں کی شاموں میں
شعیب بن عزیزپنجاب کی بیوروکریسی کا اہم نام ۔ سابقہ پریس سیکریٹری آف چیف منسٹر پنجاب ۔
اب اداس پھرتے ہو، سردیوں کی شاموں میں
اس طرح تو ہوتا ہے، اس طرح کے کاموں میں
اب تو اُس کی آنکھوں کے، میکدے میّسر ہیں
پھر سکون ڈھونڈو گے، ساغروں میں جاموں میں
دوستی کا دعویٰ کیا، عاشقی سے کیا مطلب
میں تیرے فقیروں میں، میں تیرے غلاموں میں
زندگی بکھرتی ہے، شاعری نکھرتی ہے
دلبروں کی گلیوں میں، دل لگی کے کاموں میں
جس طرح شعیب اس کا نام چُن لیا تم نے
اس نے بھی ہے چُن رکھا، ایک نام ناموں میں
No comments:
Post a Comment