منتخب کلام
شوکت واسطی
شوکت واسطی کا پورا نام صلاح الدین شوکت واسطی تھا.وہ یکم اکتوبر 1922 کو ملتان پاکستان میں پیدا هوئے اور 3 ستمبر 2009 میں اس دار_فانی سے رحلت فرما گئے.انہوں نے گورڈن کالج راولپنڈی سے بی اے کے بعد ایڈورڈ کالج پشاور سے تاریخ میں ماسٹر کیا اور پھراسی شعبہ سے منسلک رہے اور ادب کی خدمت کرتے رہے.
مرحوم بہت ساری کتابوں کے مصنف تهے جن میں گیت نظم طویل نظم غزل تراجم سوانح اور تاریخ کی کئی کتابیں شائع هو چکی ہیں. ان کی کلیات بھی ”کلیاتِ شوکت واسطی ” کے نام سے چار جلدوں میں چھپ چکی ھے.
شوکت ھمارے ساتھ بڑا حادثہ ھوا
ھم رہ گئے ، ہمارا زمانہ چلا گیا
۔۔۔۔۔۔۔۔۔۔۔۔
بڑے وثوق سے دُنیا فریب دیتی رہی
بڑے خلوص سے ہم اعتبار کرتے رہے
۔۔۔۔۔۔۔۔۔۔۔۔
ہم زندگی کی جنگ میں ہارے ضرور ہیں
لیکن کسی محاذ سے __ پسپا نہیں ہوئے
۔۔۔۔۔۔۔۔۔۔۔۔
وہ بزم آرائی فرماتا رہے گا
کوئی آتا کوئی جاتا رہے گا
ہماری بات رہ جائے گی شوکت
زمانہ ہم کو دہراتا رہے گا
۔۔۔۔۔۔۔۔۔۔۔
ہم نبرد آزما تھے دشمن سے
دوست نے بھی محاذ کھول دیا
۔۔۔۔۔۔۔۔۔
حوصلہ پست ہی سہی شوکتؔ
ہم ارادے بلند رکھتے ہیں
۔۔۔۔۔۔۔۔
راه میں رہرو ملا ہی کرتے ہیں
تم ہمیں دیکھ کر گزر جاتے
۔۔۔۔۔۔۔۔۔۔
ہر بات زندگی میں بڑی دیر سے ہوئی
منزل پہ اؔ لیئے تو ہمیں ہمسفر ملے
۔۔۔۔۔۔۔۔
عجیب دوَر ہے ہر شخص یہ ہی سوچتا ہے
تمام شہر جلے، ایک میرا گھر نہ جلے
۔۔۔۔۔۔۔۔۔۔
جہاں جہاں نود میدہ صبحو تمہاری روشن کرن گئی ہے
سمٹ سمٹ کر جبین انساں سے تیرگی کی شکن گئی ہے
بقائے ترتیب عنصری کے ہزار ایجاد کر کے نسخے
حیات ہر شکل میں جہاں سے وہی شکستہ بدن گئی ہے
۔۔۔۔۔۔۔۔۔۔
افق کی طرح تھی منزل، گریز کرتی رہی
سفر طواف تھا طے رہگزار کرتے رہے
۔۔۔۔۔۔۔۔۔۔
ليست هناك تعليقات:
إرسال تعليق