زندگی انساں کی اک دم کے سوا کچھ بھی نہيں
علامہ اقباؔل
با نگ درا- حصہ دوم
زندگی انساں کی اک دم کے سوا کچھ بھی نہيں
دم ہوا کی موج ہے ، رَم کے سِوا کچھ بھی نہيں
گل تَبَسُّم کہہ رہا تھا زندگانی کو مگر
شمع بولی ، گِریہء غم کے سِوا کچھ بھی نہيں
رازِہستی راز ہے جب تک کوئی محرم نہ ہو
کھل گيا جس دم تو محرم کے سوا کچھ بھی نہيں
زائرانِ کعبہ سے اقبال يہ پوچھے کوئی
کياحرم کا تحفہ زمزم کے سوا کچھ بھی نہيں
No comments:
Post a Comment