مالی دا کم پانی دینا، بَھر بَھر مشکاں پاوے
مالک دا کم پھَل پھُل لانا، لاوے نہ لاوے
نیکاں دے سنگ نیکی کرئیے نَسلاں نہیں بُھلاندے
بُریاں دے سنگ نیکی کرئیے اُلٹا ضُعف پُہنچاندے
مُورکھ نُوں کِیہ پند نصیحت، پَتھر نُوں کیہ پالا
دُودھاں اندر کاگ نُوہائیے، اَنت کالے دا کالا
بُرے بندے دِی صُحبت ایویں جویں دکان لوہاراں
چُھنگھ چُھنگھ کے لکھ کپڑے بَہیے چِنگاں پین ہزاراں
جِنہاں درد عشق دا ناہیں، کد پھل پان دیداروں؟
جے رب روگ عشق دا لاوے لوڑ نئیں کوئی داروں.
إرسال تعليق