Dream Crooner: ‎ہم پر تمہاری چاہ کا الزام ہی تو ہے

‎ہم پر تمہاری چاہ کا الزام ہی تو ہے

‎فیض احمد فیض

9مارچ۔1954 کو منٹگمری جیل میں کہی گئی غزل

‎ہم پر تمہاری چاہ کا الزام ہی تو ہے

‎دشنام تو نہیں ہے یہ اکرام ہی تو ہے

‎کرتے ہیں جس پہ طعن کوئی جرم تو نہیں

‎شوق فضول و الفت ناکام ہی تو ہے

‎دل مدعی کے حرف ملامت سے شاد ہے

‎اے جان جاں یہ حرف ترا نام ہی تو ہے

‎دل ناامید تو نہیں ناکام ہی تو ہے

‎لمبی ہے غم کی شام مگر شام ہی تو ہے

‎دست فلک میں گردش تقدیر تو نہیں

‎دست فلک میں گردش ایام ہی تو ہے

‎آخر تو ایک روز کرے گی نظر وفا

‎وہ یار خوش خصال سر بام ہی تو ہے

‎بھیگی ہے رات فیضؔ غزل ابتدا کرو

‎وقت سرود درد کا ہنگام ہی تو ہے

مأخذ :